QashqadaryoVKTTM.uz

Qashqadaryo viloyati Ko‘p tarmoqli tibbiyot markazi tibbiy xizmat sifatini doimiy ravishda oshirib borayotgan zamonaviy muassasalardan biri hisoblanadi. Bu yerda yuqori malakali mutaxassislar faoliyat yuritib, viloyat aholisiga yuqori sifatli tibbiy yordam ko‘rsatmoqda. Shunday malakali shifokorlardan biri — qon tomir va ko‘krak qafasi jarrohligi bo‘limi boshlig‘i, qon tomir jarrohi Abdurahmonov Sarvar Shahriddinovichdir.
Sarvar Shahriddinovich o‘z sohasida chuqur bilim va keng amaliy tajribaga ega bo‘lib, uzoq yillar davomida xalqaro miqyosdagi yetakchi tibbiyot markazlarida malaka oshirish orqali professional ko‘nikmalarini muntazam takomillashtirib kelmoqda.

U 2011-2014 yillarda Rossiya Federatsiyasining Bakulev nomidagi Yurak qon-tomir jarrohlik markazida, 2019 yilda esa Vishnevsky nomidagi Milliy xirurgiya tibbiyot markazida malaka oshirgan.

Shuningdek, Sarvar Shahriddinovich 2022 yilda Hindiston davlatining “Yashoda” klinikasida, 2023 yilda Vengriya davlatining Semmelweis universitetida, 2024 yilda esa Rossiya Federatsiyasining Shumakov nomidagi Transplantologiya markazida malakasini oshirishga muvaffaq bo‘lgan. Bu xalqaro tajriba unga qon tomir jarrohligi va ko‘krak qafasi jarrohligi sohasida zamonaviy va ilg‘or usullarni qo‘llash imkonini yaratadi.

Qashqadaryo viloyati Ko‘p tarmoqli tibbiyot markazida ishlayotgan Abdurahmonov Sarvar Shahriddinovich nafaqat yuqori kasbiy mahorati, balki bemorlarga nisbatan mehribon va insoniy yondashuvi bilan ham ajralib turadi. Uning rahbarligida bo‘lim zamonaviy diagnostika va jarrohlik usullarini joriy qilgan, bu esa viloyat aholisining sifatli tibbiy yordamga bo‘lgan ehtiyojlarini qondirishda muhim ahamiyat kasb etmoqda.

Natijada, Qashqadaryo viloyati Ko‘p tarmoqli tibbiyot markazi nafaqat mahalliy, balki mintaqaviy darajada ham yuqori darajadagi sog‘liqni saqlash xizmatlari ko‘rsatishda yetakchi muassasalardan biri sifatida tan olinmoqda. Abdurahmonov Sarvar Shahriddinovich kabi malakali shifokorlarning mehnati markazning obro‘-e’tiborini yanada oshirmoqda.